2008年5月22日 星期四

心煩氣躁

最近忙到出煙,真係得閒死唔得閒病。D野排山倒海咁湧埋黎,我就過完一關又一關。唉~你估我係十八銅人咩?!朋友都唔明白點解我做到邊就忙到邊,我皮笑肉不笑地說:「吾非寒命人、乃『忙命人』也。」

一年總有幾段時間係吊頸冇得抖氣果隻,今次唔知要持續幾耐?!

但今日,因為要進修新高中課程關係leave左去上堂,真係偷得浮生半日閒!雖則都係要9-5乖乖坐係到聽,但暫時可將工作拋諸腦後,就算要一早抖數好全副精神都好樂意!而且今日學D finance野,好多都已經唔記得,今次reinforce下真係好滿足!

「人真係犯賤,好多野要冇左先曉珍惜。」
以前讀書咁懶懶閒真係好後悔,依家覺得原來學知識都好有趣!
........其實上面引號內果句唔止係單單想表達咁既意思,不過都係隱晦D好!
「人善被人欺,再一次o係社會上印證到~」 
唔講由自可,一講起先發現原來自己積左咁多怨氣。琴日Bi Li Ba La向朋友呻呻呻呻呻,簡直覺得自己好似火山爆發!我條底線已經好低架啦,但都可以令我爆炸真係好勁~真係唔知仲可以忍受多幾耐?!

4 則留言:

香水~ 喵 提到...

加油呀,我為你倒數:9日。
呵呵,
不過我都病病地。

卡臣 提到...

想起苦難的人,
便妳知道自己是如何幸福
go! go! go!

** 飛雪素素 ** 提到...

慢慢嚟啦~ 我有時都有同樣咁諗,好多嘢好似學唔夠,以前有機會時又focus咗其他subjects. 不過係好難乜都做得最好,要選擇取捨囉~ 我唔要求自己乜都識哂架,可能我懶過你好多 haha~

mona 提到...

van,

hehe thanks!真係得返9日~我會撐住!!


卡臣,

咁又係,有野食有屋住有得沖涼又有糧出...行得走得...
多謝你提醒!


素素,

我一定懶過你架!係有時責任感作祟先迫住要做要學~
好懷念以前單係返學唔使做野既時光!