2008年5月18日 星期日

在街上成日都見到形形式式的車。其實對好多人黎講車唔止代步工具咁簡單,而且仲係身份的象徵。好多男仔都覺得有架車威D型D,不過呢樣真係唔怪得佢地,因為都真係聽過好多女仔鍾意男仔有車。我就覺得女仔渣車都幾有型~hehe~不過膽小如鼠的我真係唔敢係香港渣,D路實在太窄;D路牌實在太令人「R頭」;D司機們實在係太唔禮讓啦~到呢一刻為止,係香港渣車最多兩次,其中一次係泊車咋..... 泊車妹!!
雖然渣車唔多,但坐車既都坐唔少,貴車梗係舒服D,但其實honda d車真係幾好,都幾慳油,又OK闊落。最鍾意的車品牌其實係BMW,超靚超型,鍾意死。坐過某某人的BMW M3,感覺一流!LEXUS都好鍾意,佢D車既車尾燈好鬼靚,而佢的Jeep(仲要係黑色果隻)曾經係我的dream car! 顏色方面始終都係偏愛黑和白,始終呢兩隻色的車睇上去型D!不過寶藍色都唔錯,都幾young~

講起車,記得有一次令我印象好深刻。有晚太約9點零鐘食完飯返屋企,係路邊巴士站等車,見到有架BMW仲心諗架車幾靚喎~點知說時遲那時快,突然聽到揪心的物件磨刷聲~架靚車係正我面前刷過路中的石[摶],磨刷左起碼有一整秒才駛開!嘩,架車閃開後見到個石[摶]留低左成米幾長的白痕~雖然架車唔係我,但我都登架車同埋個主人慘~架車肯定好傷呀!記得以前阿邊個佢撞過一次車,雖然冇受傷,但架車都幾傷下,佢down左幾耐,連野都唔想食,可想而之呢位司機應該會好唔開心!唉,搞到我都唔開心埋一份~ 唔知後來點呢?!


可能我本身唔係太鍾意渣車(鍾意坐同睇多啲),賣車時都唔算話肝腸寸斷、要生要死,但都影低左佢的每一面。話哂它都係我失落既時候帶我去山頂吹吹風、睇星星,又載過我去海邊聽浪、發呆,又係我每次好趕的時候送我返學。雖然相處的時間唔多,但我永遠記得你這個金色小美人!













 

13 則留言:

卡臣 提到...

嘩!部Honda好cute!
隻色又搶!
車廂內好多公仔(我就無放)
妳揸就好型喎! miss!

eric 提到...

係唔係棍波黎架。
我其實係唔識搾棍波架。。(好瘀)。

mona 提到...

卡臣,

當你見到我渣車果D騰雞樣時,你絕對唔會覺得我型.. (-_-)"
不過都多謝你!^^

eric,

係呀棍波來的~我仲瘀啦~因為我淨係識棍波,唔識自動波架!仲要我渣棍波又唔叻,o係果D長命斜上停車再開車好易死火!瘀到死呀!!
你遲D去英國? 讀書定做野呀?

卡臣 提到...

棍波我都死
我揸自動波
否則死火多過食飯

eric 提到...

我總覺得懂棍波型好多。租棍波車有時又會平D。自動波好易架。於你而言肯定冇難度。
去英國係做野,唔想再讀書啦,哈哈哈。

mona 提到...

卡臣,

咪咁謙啦~渣渣下就熟手ma!
不過香港真係好少人渣棍波~


eric,

係?去英國邊度?

** 飛雪素素 ** 提到...

嘩~ 架車好靚wo!

eric 提到...

Scotland,多數會係Glasgow。
要重新學過英文啦。哈哈。

雪螢 提到...

有車真係好開心,不過一諗起養車,交停車場費,越升越高既油錢,就真係頭都痛埋

我好鍾意坐私家車,不過由於以上既種種原因,真係好少機會坐到 :(

遲 d 考返個牌先得~

PS﹕你架車好靚啊~~^^

Hana 提到...

個色真係幾醒喎!
好少金黄色嘅車可以咁靚!

啲油真係好貴丫,幾乎個個禮拜都加,學費又冇得加,慘慘慘!
係香港咁係揸自動波舒服啲啦!

我中意揸哈利電單車多啲。

mona 提到...

素素,

多謝你~
你去個wedding好玩嗎?

eric,

係呀,Glasgow出發.但其實我基地係o係Edinburgh,因要搭cheap cheap flight Ryannair嘛~於是搭多個鐘火車去Glasgow.. hehe

mona 提到...

雪瑩,

坐車當然舒服.但o係香港養架車實在太重皮,唔係我呢D窮家女養得起~ :(
所以你考車牌前最好諗清楚,話哂學車都唔平,又徒時間.考到唔渣張野又舖哂塵 = =

Hana,

多謝你先!
咪係囉,車真係令人又愛又恨.冇又好想有,有左又嫌養佢用佢貴.但講真,適逢落雨天真係好想有架車唔使擔遮!

eric 提到...

哈哈,我當初考車牌,有一部分原因係用黎當身份證明,因為呢度冇類似香港身份證既物體,幾乎人人都係用駕駛執照。

我學車係跟老竇學,幾乎一個仙都唔使,又幾時都得,係受氣D咁囉。郁D就鬧到狗血淋頭...