車

在街上成日都見到形形式式的車。其實對好多人黎講車唔止代步工具咁簡單，而且仲係身份的象徵。好多男仔都覺得有架車威Ｄ型Ｄ，不過呢樣真係唔怪得佢地，因為都真係聽過好多女仔鍾意男仔有車。我就覺得女仔渣車都幾有型～hehe～不過膽小如鼠的我真係唔敢係香港渣，Ｄ路實在太窄；Ｄ路牌實在太令人「Ｒ頭」；Ｄ司機們實在係太唔禮讓啦～到呢一刻為止，係香港渣車最多兩次，其中一次係泊車咋..... 泊車妹！！

雖然渣車唔多，但坐車既都坐唔少，貴車梗係舒服Ｄ，但其實honda d車真係幾好，都幾慳油，又ＯＫ闊落。最鍾意的車品牌其實係ＢＭＷ，超靚超型，鍾意死。坐過某某人的BMW M3，感覺一流！LEXUS都好鍾意，佢Ｄ車既車尾燈好鬼靚，而佢的Jeep(仲要係黑色果隻）曾經係我的dream car! 顏色方面始終都係偏愛黑和白，始終呢兩隻色的車睇上去型Ｄ！不過寶藍色都唔錯，都幾young~

講起車，記得有一次令我印象好深刻。有晚太約９點零鐘食完飯返屋企，係路邊巴士站等車，見到有架BMW仲心諗架車幾靚喎～點知說時遲那時快，突然聽到揪心的物件磨刷聲～架靚車係正我面前刷過路中的石［摶］，磨刷左起碼有一整秒才駛開！嘩，架車閃開後見到個石［摶］留低左成米幾長的白痕～雖然架車唔係我，但我都登架車同埋個主人慘～架車肯定好傷呀！記得以前阿邊個佢撞過一次車，雖然冇受傷，但架車都幾傷下，佢down左幾耐，連野都唔想食，可想而之呢位司機應該會好唔開心！唉，搞到我都唔開心埋一份～ 唔知後來點呢？！

可能我本身唔係太鍾意渣車（鍾意坐同睇多啲），賣車時都唔算話肝腸寸斷、要生要死，但都影低左佢的每一面。話哂它都係我失落既時候帶我去山頂吹吹風、睇星星，又載過我去海邊聽浪、發呆，又係我每次好趕的時候送我返學。雖然相處的時間唔多，但我永遠記得你這個金色小美人！