心煩氣躁

最近忙到出煙，真係得閒死唔得閒病。Ｄ野排山倒海咁湧埋黎，我就過完一關又一關。唉～你估我係十八銅人咩？！朋友都唔明白點解我做到邊就忙到邊，我皮笑肉不笑地說：「吾非寒命人、乃『忙命人』也。」

一年總有幾段時間係吊頸冇得抖氣果隻，今次唔知要持續幾耐？！

但今日，因為要進修新高中課程關係leave左去上堂，真係偷得浮生半日閒！雖則都係要９－５乖乖坐係到聽，但暫時可將工作拋諸腦後，就算要一早抖數好全副精神都好樂意！而且今日學Ｄ finance野，好多都已經唔記得，今次reinforce下真係好滿足！

「人真係犯賤，好多野要冇左先曉珍惜。」

以前讀書咁懶懶閒真係好後悔，依家覺得原來學知識都好有趣！

........其實上面引號內果句唔止係單單想表達咁既意思，不過都係隱晦Ｄ好！

「人善被人欺，再一次o係社會上印證到～」　

唔講由自可，一講起先發現原來自己積左咁多怨氣。琴日Bi Li Ba La向朋友呻呻呻呻呻，簡直覺得自己好似火山爆發！我條底線已經好低架啦，但都可以令我爆炸真係好勁～真係唔知仲可以忍受多幾耐？！