2008年5月26日 星期一

對上一次去玩已經係kathy姐牛一的那次大party了!

闊別數月,感覺還是可以的~我這人實在貪玩!從讀U時的經常,到現在的甚少,原因除了厭倦,不外乎是些生理因素 - 人老了真的捱不了夜......................... 就這樣病倒了!!
(不斷打乞痴流鼻水+完全鼻塞中)

講起去玩總離唔開飲酒。可以飲幾多真係自己先知!講真,要玩得盡興酒好像少不了,但千奇唔好樂極生悲......... errr 唔好誤會,我講既其實係唔好飲到「湯」姐。細個時真係唔知自己酒量去到邊,玩玩下飲飲下就唔掂。其實到依家好多人仲係咁,不過歷史既其中一項作用係汲取教訓,引以為鑑,以後唔好再犯,所以一定要知道自己底線,飲到條線就點都唔可以再飲,如果唔係到頭黎要人照顧返轉頭就好肉酸了!

所以,想我醉?冇咁易!

2008年5月22日 星期四

心煩氣躁

最近忙到出煙,真係得閒死唔得閒病。D野排山倒海咁湧埋黎,我就過完一關又一關。唉~你估我係十八銅人咩?!朋友都唔明白點解我做到邊就忙到邊,我皮笑肉不笑地說:「吾非寒命人、乃『忙命人』也。」

一年總有幾段時間係吊頸冇得抖氣果隻,今次唔知要持續幾耐?!

但今日,因為要進修新高中課程關係leave左去上堂,真係偷得浮生半日閒!雖則都係要9-5乖乖坐係到聽,但暫時可將工作拋諸腦後,就算要一早抖數好全副精神都好樂意!而且今日學D finance野,好多都已經唔記得,今次reinforce下真係好滿足!

「人真係犯賤,好多野要冇左先曉珍惜。」
以前讀書咁懶懶閒真係好後悔,依家覺得原來學知識都好有趣!
........其實上面引號內果句唔止係單單想表達咁既意思,不過都係隱晦D好!
「人善被人欺,再一次o係社會上印證到~」 
唔講由自可,一講起先發現原來自己積左咁多怨氣。琴日Bi Li Ba La向朋友呻呻呻呻呻,簡直覺得自己好似火山爆發!我條底線已經好低架啦,但都可以令我爆炸真係好勁~真係唔知仲可以忍受多幾耐?!

2008年5月18日 星期日

在街上成日都見到形形式式的車。其實對好多人黎講車唔止代步工具咁簡單,而且仲係身份的象徵。好多男仔都覺得有架車威D型D,不過呢樣真係唔怪得佢地,因為都真係聽過好多女仔鍾意男仔有車。我就覺得女仔渣車都幾有型~hehe~不過膽小如鼠的我真係唔敢係香港渣,D路實在太窄;D路牌實在太令人「R頭」;D司機們實在係太唔禮讓啦~到呢一刻為止,係香港渣車最多兩次,其中一次係泊車咋..... 泊車妹!!
雖然渣車唔多,但坐車既都坐唔少,貴車梗係舒服D,但其實honda d車真係幾好,都幾慳油,又OK闊落。最鍾意的車品牌其實係BMW,超靚超型,鍾意死。坐過某某人的BMW M3,感覺一流!LEXUS都好鍾意,佢D車既車尾燈好鬼靚,而佢的Jeep(仲要係黑色果隻)曾經係我的dream car! 顏色方面始終都係偏愛黑和白,始終呢兩隻色的車睇上去型D!不過寶藍色都唔錯,都幾young~

講起車,記得有一次令我印象好深刻。有晚太約9點零鐘食完飯返屋企,係路邊巴士站等車,見到有架BMW仲心諗架車幾靚喎~點知說時遲那時快,突然聽到揪心的物件磨刷聲~架靚車係正我面前刷過路中的石[摶],磨刷左起碼有一整秒才駛開!嘩,架車閃開後見到個石[摶]留低左成米幾長的白痕~雖然架車唔係我,但我都登架車同埋個主人慘~架車肯定好傷呀!記得以前阿邊個佢撞過一次車,雖然冇受傷,但架車都幾傷下,佢down左幾耐,連野都唔想食,可想而之呢位司機應該會好唔開心!唉,搞到我都唔開心埋一份~ 唔知後來點呢?!


可能我本身唔係太鍾意渣車(鍾意坐同睇多啲),賣車時都唔算話肝腸寸斷、要生要死,但都影低左佢的每一面。話哂它都係我失落既時候帶我去山頂吹吹風、睇星星,又載過我去海邊聽浪、發呆,又係我每次好趕的時候送我返學。雖然相處的時間唔多,但我永遠記得你這個金色小美人!













 

2008年5月15日 星期四

談星座

很多基督教的朋友都不相信星座,而我卻對星座有著莫名的興趣。喜歡的絕對不是星座運程預測,而是星座的性格分析。說實在的,其實星座也歸類於統計學裡頭吧?!

雖然很感興趣,但當然只會作參考,因其實有著很多的例外。我太陽星座是山羊,據說是勤奮、穩重、好學、固執、守舊、有責任感、愛面子等等。其實,除了責任感我是有一點外,其他的都不太準確。但當再研究月亮星座時,發覺原來自己好像是偏向了「月亮」。天秤月座的女生喜歡漂亮的事物;喜歡逛街;愛好和平,不喜紛爭;性格溫和;但太優柔寡斷;常把事物作比較等。說真的,真的懷疑自己有選擇困難症,每每要挑選食物或飲品時,別人選好了叫好了,我都仍在考慮中!往往未選擇好就要叫侍應過來,迫著立即做決定,或是乾脆叫侍應幫我挑選~


在我眼中的各個星座:

白羊 - 霸道,喜歡指揮;自信;脾氣較剛烈;情緒化。
金牛 - 穩定;很固執;可靠;重視金錢。
雙子 - 飄忽,善變;花心;風趣幽默。
巨蟹 - 好人,較「林善」;懶,不太有責任感;愛恨不顯露。
獅子 - 熱情,健談;佔有慾及嫉妒心強;喜歡領導;自信。
處女 - 愛整潔;勤奮;組織力強;做事有條理;有點完美主義傾向,有點挑剔。
天秤 - 上文有提及。
天蠍 - 有吸引力;思想較負面;有點自私;看似花心實則專一。
人馬 - 喜自由,不能受束摶;樂觀;敢冒險;喜說話但有時口沒遮攔。
山羊 - 以上有提及。(另其實很多山羊都很喜歡說話,而且會把自己的事都掏出來對人說)
水瓶 - 想法較獨特,有點藝術家脾氣(ie.有點古怪)(愛哭?好像不大常見!)
雙魚 - 十分愛美,喜歡照鏡;縱使外表堅強,內心其實頗脆弱。

以上是從身邊家人朋友同事等等的長期觀察所得,純綷個人感覺,無意冒犯。而且這十二個星座又豈能代表了所有人呢?

2008年5月13日 星期二

又在彌敦道上

今天,佐敦與油麻地之間的一段彌敦道(又是彌敦道),又有新鮮事。。。

走著走著,聽到有人叫:「小姐~」
不太肯定,於是頭也不回繼續東看看西看看。
突然有人拍了拍肩膞,嚇得差點彈起。
回頭看,有位比我矮一點,看上去三十多歲,蓄著捲髮的男子,說:「小姐,介唔介意阻你一陣?」
吾一向以助人為快樂之本,雖然不常到佐敦,也希望能為他當盞明燈。
豈料他....「我做廣告既,你係咪拍開野架.....」
立即耍手擰頭是也,「唔係唔係唔係......」
不知說了多少個『唔係』後,他說「唔介意我可以俾個地址你睇....」 說著邊從口袋裡要拿出什麼來~
「唔使啦唔使啦唔使啦~」這時我知道我臉又紅了~(但明明沒做錯什麼啊,面皮超薄)
他也沒再說些什麼「咁好啦..」
「唔好意思!」我說這句是因為我好像反應太大了點~ =p


檢討一下,我像那種易上當受騙的小妹妹嗎?不像!怎麼也是位老師。
然而為什麼經常會臉紅啊?討厭!!!!!!
害我一點也不型了!!嗚~~~

彌敦道上危機四伏!!!!!

2008年5月11日 星期日

今夜我不想睡..

剛剛。。重溫了鐵竹堂及溫嵐的【能不能】,以及Alison Krauss的【When you say nothing at all】,它們喚起了對你沉睡了的思念~前者令我想起那明媚陽光下的上海假期,我們用力地揮灑青春用力相愛;後者令我想起分隔二地那在陰暗下的孤單,我倆的心漸遠。而現在,跨過了這些那些,還是甩不去你在我身旁的影子...

還記得這張嗎?是我們最後一張合照......


2008年5月8日 星期四

我要買保險了

唉~觀課已成我的家常便飯了。雖然開始麻木,但到某些緊張的地方仍是會感到面頰發燙!今天狀態不佳,但結果竟得某人的稱讚,實是吃驚!不過我想除了教育這行業外,其他做不同工作的人都不會喜歡別人看著自己工作吧?!總會感到好像被人監視似的~不過沒辦法,商業社會都總會有上級或老闆在背後盯著你,或在旁射喱著你。。。嘿~

放學後與張小姐去找經紀談談保險事宜~現年廿四的我開始覺得有極大的需要買保險!父母供養廿載,萬一touch wood我兩腳一伸,雖然感情上不可彌補,但有保險只少可給他們多些保障,作為負責任及孝順父母的朋都應該同意吧!再來最近走著走著,總會突然覺得可能會有高空擲物,那股驚慌的感覺像洪水一般襲來,很奇怪!那一刻,感覺到沒有保險旁身真的很不安!幸好,183日後還是24歲,保費還是低一級,嘻嘻~

最近總是遇到奇怪的人!到底我是怎麼了?

2008年5月5日 星期一

放假的星期一

嘿嘿~難得今日同班舊同事一齊放假,於是齊齊去左深井食燒鵝!燒鵝好味~但其他果D鵝肝鵝心鵝腸我完全唔夠膽掂,叫左碗米粉,就變左燒鵝米~ haha

and then 同兩位女士行街街。可能因為係星期一下晝行街的關係,突然感受到D阿太唔使做weekdays去shopping, high tea 既滋味~都................ 幾悶!雖然成日講話唔想做野,但其實唔係真係唔想做,只係想輕鬆D地做姐,同埋最好可以做自己想做既野!你話如果有塊地,我想將左邊建成托兒所,右邊建成老人院,可以好好照顧無依靠的老人家之餘,老人家悶悶地又可以去托兒所果邊同D小朋友玩下,幾好~ 不過講真,真係想開間老人院!我一定唔會欺負老人家,一定會代佢地既仔女或兒孫好好照顧佢地,等佢地可以開開心心過埋餘下的時間~

後尾一個人諗住去搭車返屋企時,係呢條彌敦道創興果邊綠色隧道附近,比一個高我一個頭的人擋住去路(居然高我一個頭,神奇!),話做問卷喎~行得街多的朋友通常都知呢D係sell野,所以唔好意思都好我不嬲都唔so佢地。話但佢幾狼呀,係完全唔比人過囉,我行左佢行左,我行右佢又行右喎,使唔使呀哥哥?擋兩擋佢既拍檔叫我幫下佢,話唔知會比人鬧定係乜,唉,算~五題問卷時間豪比你!點知佢又講埋D低能野,答完年年齡之後又話「E?唔似喎!」答完佢職業又話「E,咁勁?」佢個partner又搭爹:「咁你教幼、小、高邊樣?」真係滴哂汗囉!!!咁住問大約幾錢人工同埋用credit card還min 定 full pay,答完佢又話勁呀乜乜乜乜。我真係心諗:「大佬,又話快得五條問題,你講無謂野既時間仲耐過正題囉!」當然冇講出口。好不容易做完,佢又話拎埋資料就走得,咁我就梗係唔拎啦,佢又再次以佢的身軀阻擋我的去路,真係唔係講笑,不斷嘗試誇呢個障礙得都失敗,直情想調頭,後尾頂佢唔住是但啦拎份野即走,點知原來好似要去好遠!我就趁佢行入另一條路的空檔閃走左!太驚險了!好驚呀~搞到我miss左個車站都唔覺,發覺後又唔敢行返轉頭,寧願行多個站!!嗚嗚,嚇死人了!

佢地唔係咩美容院的sales,竟然係一間正正經經的銀行-Fortis!!! 我哥哥佢岩岩離開左既公司!哥~你走得好!

吹漲

幾時都話小朋友真係童言無忌,諗到乜就講乜!不過有時真係比佢地搞到唔知嬲好定笑好~

話說琴日定前日都算係學校大日子,有人事先告知我要著靚D。咁我一向聽話,於是著左條買左成年都未著過定著過一次的CHLOE連身裙、化返個妝、GEL返個頭,點知返到去..............................

「嘩!果個邊個黎架?」
「E?好似係Miss XXXX喎!」
「係呀!真係Miss XXXX黎架!」

跟住佢地成棚人衝過黎..............

「哇Missy你今日好靚呀!」
「係勁靚呀!」
「Missy你係咪電左頭呀?」
「好靚喎電得!」
「哇如果你日日都咁靚我一定會交齊功課!」

果一刻,我係度諗...... 平時自己係咪求其左少少?衣著都唔算太求其呱?! 只係有時咁早起身返工懶得化妝之嘛~而且個頭咪又係同一樣,乜都冇做過,只不過Gel 左姐~

原來,妝,真係可以化腐朽為神奇;衣著,可以改變一個人的氣質。

但係,我都係鍾意由起身梳洗換衫到出門口25分鐘搞掂!每日瞓多半個鐘,一個月就瞓多15個鐘,一年就瞓多180個鐘,都幾襟計!都係留返weekend出街先扮靚啦~

2008年5月4日 星期日

未釋然

死者曾埋怨丈夫不上進 (星島) 05月 04日 星期日 05:30AM

(
星島日報 報道)新移民 婦人與丈夫及獨子團聚不足一個半月,便遭橫禍被鐵錘打死,警方昨日拘捕其丈夫。當警方帶疑犯返回德華街住所調查,女鄰居見到大吃一驚問說:「係咪老公殺老婆呀?」有街坊歎息表示,女死者很愛丈夫和兒子,到處向人說一家人團聚好開心,想不到如今家庭破碎。
  來港團聚 任跟車工人
  慘死婦人陸玉娟,四十一歲,廣東三水人,五年前持
單程證 來港,在一間食肆當女工。疑兇杜X燦,四十歲,佛山人,在鄉間任送貨司機,因工業意外傷尾龍骨,工作受影響,賦閒多時,兩夫婦育有一名十二歲兒子。
  陸婦租住現場德華街德範樓五樓一個套房不足兩個月,今年三月十二日杜父子持單程證來港團聚,杜來港後任職跟車工人。
  兇案發生後,街坊以為是劫殺案,出入都提心吊膽。及至昨午見警方押疑兇返家,街坊始知兇案疑是身邊「熟人」所為。樓上一名女鄰居表示,偶爾與女死者聊天會提及疑兇,覺得她很愛丈夫及兒子,但恨鐵不成鋼,有時忍不住埋怨丈夫懶惰,所以經常聽到該對夫婦爭吵亦不以為然,沒想到最終演成命案,這名鄰居驚歎說:「好心寒!」
  鄰居常聞爭吵
  和諧之家總幹事王鳳儀表示,新移民來港與妻子團聚,很多時丈夫會難適應在港生活,故兩夫婦應共同包容,不用太早望夫
成龍 ,應先幫助新來港伴侶適應生活,當出現家庭或感情問題時,不要以為自己可解決,可向專業人士求助;而政府對新移民更應主動提供協助,事後補救已經太遲。 本報記者


到依家都未可以釋然,究竟有幾嬲有幾恨會令個男人可以咁殘忍地將自己老婆監生打死?面子可以讓一個男人冇哂感情?冇哂理智?

又諗。。事件中呢位殺人兇手係岩岩係大陸出黎,而一路聽聞的兇殘殺人事件都係大陸發生。究竟中國大陸出左咩問題?點解培育左咁多咁殘暴既人?係因為貧窮?自尊、面子?還是民族天性?但明明中國又應該係仁義禮儀之邦。。。。究竟點解會搞成咁????

冇野好講

............................................
之前為佢痛心疾首,原來係假的.............................. (荃灣謀殺一案)

突然發覺自己真的太天真太蠢
幾多次類似的經歷都不能令自己聰明少少
我果然係隻豬~

2008年5月3日 星期六

五月二聖火,冇我份


拿拿拿。。今日著左紅色衫架~但好可惜冇機會一睹聖火傳遞的盛況~不過淨係睇新聞都夠哂興奮+熱血沸騰!今日有幾班學生可以出去睇聖火,其實我都好想去 ><


不過今日由下晝3點幾玩到夜晚11點幾,不停講不停笑;而且返到屋企見到阿哥阿嫂購自日本的手信,實在太開心,全部都勁鍾意!!!搞到依家情緒依然高漲,唔係好想訓添~ hehe~不過其實有時真係好懷疑自己究竟適唔適合做教育呢行,個人都未大得透,成日好貪玩又帶點幼稚,連丁點架子都冇~學生未必聽我講之餘,究竟會唔會真係誤左人地既子弟呢???


又返番去果個問題啦。。。轉唔轉行好?