2008年5月5日 星期一

吹漲

幾時都話小朋友真係童言無忌,諗到乜就講乜!不過有時真係比佢地搞到唔知嬲好定笑好~

話說琴日定前日都算係學校大日子,有人事先告知我要著靚D。咁我一向聽話,於是著左條買左成年都未著過定著過一次的CHLOE連身裙、化返個妝、GEL返個頭,點知返到去..............................

「嘩!果個邊個黎架?」
「E?好似係Miss XXXX喎!」
「係呀!真係Miss XXXX黎架!」

跟住佢地成棚人衝過黎..............

「哇Missy你今日好靚呀!」
「係勁靚呀!」
「Missy你係咪電左頭呀?」
「好靚喎電得!」
「哇如果你日日都咁靚我一定會交齊功課!」

果一刻,我係度諗...... 平時自己係咪求其左少少?衣著都唔算太求其呱?! 只係有時咁早起身返工懶得化妝之嘛~而且個頭咪又係同一樣,乜都冇做過,只不過Gel 左姐~

原來,妝,真係可以化腐朽為神奇;衣著,可以改變一個人的氣質。

但係,我都係鍾意由起身梳洗換衫到出門口25分鐘搞掂!每日瞓多半個鐘,一個月就瞓多15個鐘,一年就瞓多180個鐘,都幾襟計!都係留返weekend出街先扮靚啦~

2 則留言:

匿名 提到...

原來o個日你open day, 我以為你佳人有約呀!

mona 提到...

嘿嘿.. 佳人有約都唔需要著成咁.......