2008年4月20日 星期日

睇blog後有感..

之前見到人地個blog講話未來的自己可以寫信比以前的自己,又或者依家的自己可寫信比將來的自己。幻想下,將來收到依家寫的野既情況都應該會幾得意!

佢講既野勾起我少少回憶..............

話說果陣仲同緊阿Y君一齊,係海外讀緊書。聖誕將至,好多同學都買哂機票返屋企。記得我好似早阿Y君五日走!佢飛上海,我飛香港。但果陣正值我地熱戀期,佢都唔係好想我早佢大啦啦成5日走。但因機票關係,若果日我唔走就要成個禮拜後先有得走了。於是佢同我講:

"唔緊要啦,你早走好過我早走,唔想你一個人留係度,唔想你喊!"

我聽完好感動!突然覺得佢好MAN啊~於是係臨走果晚,我寫野寫到三更半夜。寫咩呢?就係寫左五封信~我叫左當時同佢同一班機走既上海妹Maggie幫我每日朝早比一封信佢,以慰佢相思之苦。我知道其實D信幫唔到D咩,但好想佢係孤獨既時候都知道我係掛住佢的!hehe..當然佢感動到飛起啦。。我自己都因為佢開心而勁開心!

唉~好懷念以前果種單純的愛~以前雙方都為對付出好多好多,唔係講金錢上nor肉體上,我指既係果種心思!到依家我都懷疑自己仲會唔會好似以前咁樣做咁多野去(乙水)男朋友開心了................

今日,係兩個鐘頭機程外的上海,唔知佢係到做緊咩呢??

3 則留言:

陳大文 部落 提到...

多謝到訪在下部落 ^^"~

匿名 提到...

當時還覺得你們會天長地久呢~~所以感情的事情是最說不來的!!

匿名 提到...

...please where can I buy a unicorn?